Cristiano Ronaldo នឹងត្រូវជួយក្លឹប Juventus តតាំងក្លឹបអាល្លឺម៉ង់ Bayer Leverkusen នាយប់នេះវេលាម៉ោង ០២:០០ នាទីរំលងអាធ្រាត្រ ដែលជាជំនួបជុំទី ២ ក្នុងវគ្គចែកពូលព្រឹត្តិការណ៍ UEFA Champions Leauge។
មួយគ្រាប់ទល់នឹងក្លឹប SPAL កន្លងទៅគឺជាគ្រាប់បាល់ទី ៦៩៧ ក្នុងអាជីពរបស់កីឡាករព័រទុយហ្គាល់។ យ៉ាងណាមិញកីឡាករពាក់អាវលេខ ៧ ត្រូវការដល់ទៅ ៦០ គ្រាប់ទៀតឯណោះ មិនថាតែការលេងឲ្យជម្រើសជាតិឬក្លឹប ដើម្បីតាមស្មើតារាជើងចាស់ Pele ដែលមាន ៧៥៧ គ្រាប់ក្នុងដៃ។
អតីតវីរបុរសប្រេស៊ីលរូបនេះបំបែកគ្រាប់យ៉ាងច្រើនសន្ធឹកនេះតាមរយៈការលេងឲ្យជម្រើសជាតិប្រេស៊ីលនិងក្លឹប Santos ក៏ដូច ជា Ny Cosmos ខណៈ Ronaldo ឆ្លងកាត់ការលេងឲ្យក្លឹបចំនួន ៤ រួចមកហើយ ដោយឡែក ៦០ គ្រាប់តើ Cristiano ត្រូវការពេលវេលាប៉ុន្មានឆ្នាំទៀត ទាំងដែលសព្វថ្ងៃលោកមានវ័យ ៣៤ ឆ្នាំទៅហើយ?
ប្រភព៖ B3