ក្រុមបិសាចក្រហម Manchester United លេងបានត្រឹមស្មើក្រុម Arsenal ១-១ ប៉ុណ្ណោះក្នុងការប្រកួតលីគកំពូលអង់គ្លេសកាលពីយប់មិញនេះ។
ជាមួយលទ្ធផលមិនល្អនេះដែរ De Gea បានព្រមានទៅសមាជិកក្រុមដទៃទៀតថា ប្រវត្តិ Man Utd មិនមែនលេងដូច្នេះទេ។ បិសាចក្រហមជាក្រុមខ្លាំងមួយ និងមានឆន្ទៈក្នុងការប្រកួតណាស់ ហើយការប្រកួតដូចប៉ះ Arsenal នេះ គឺក្រុមគួរតែឈ្នះ មិនមែនបានត្រឹមលទ្ធផលស្មើគ្នា១-១ នេះឡើយ។ ស្រដៀងគ្នានេះដែរលោក Ole អ្នកចាត់ការក្រុមបានអះអាងដែរថាក្រុមត្រូវរៀនសូត្រពីការប្រកួតនេះ ហើយត្រូវពង្រឹងសមត្ថភាពឡើងវិញ។
ជាមួយលទ្ធផលត្រឹម១ពិន្ទុ ធ្វើឱ្យក្រុម Man Utd ធ្លាក់ដល់លេខ១០ហើយ ដោយឆ្លងកាត់៧ប្រកួត ទើបមាន៩ពិន្ទុប៉ុណ្ណោះ។ ស្របពេល Arsenal វិញ ហក់ឡើងទៅលេខ៤ ក្នុងតារាង ដោយ៧ប្រកួតមាន១២ពិន្ទុ៕ប្រភព៖ Dailymail
