ខ្សែប្រយុទ្ធ Neymar នៅតែបន្ដជួយក្រុម PSG ឈ្នះការប្រកួតដដែល ដោយយប់មិញនេះ រកបាន១គ្រាប់ជួយក្រុមឈ្នះ Lyon ១-០ ទៀតហើយ។
ជាមួយការតិះដៀលរបស់អ្នកគាំទ្ររបស់ខ្លួន ខ្សែប្រយុទ្ធ Neymar នៅតែលេងបានល្អ និងជួយក្រុមជានិច្ច។ នៅយប់មិញនេះ ក្រុម PSG គ្រប់គ្រងបាល់ច្រើន ប៉ុន្តែមិនអាចស្វែងរកគ្រាប់បាល់បានឡើយ រហូតទាល់តែនាទី៨៧ទៅហើយ ទើប Neymar រកបាន១គ្រាប់ ដែលជាគ្រាប់បាល់ជ័យជម្នះជួយក្រុម។ នេះជាប្រកួតទី២ហើយ ដែលកីឡាករប្រេស៊ីលមានចិត្តចង់ចាកចេញពី PSG នេះ ជួយក្រុមយកបាន៣ពិន្ទុ។
អតីតកីឡាករ Barcelona បាននិយាយតាំងពីប្រកួតមុនមកថា បើទោះជាអ្នកគាំទ្រនិយាយយ៉ាងណាក៏ដោយ រូបគេនៅតែប្រឹងប្រែងលេងឱ្យអស់ពីសមត្ថភាពជាមួយក្រុម PSG ។ ការចាកចេញឬអត់ នឹងដឹងច្បាស់នៅទីផ្សារដោះដូរថ្មីទៀត ហើយចាប់ពីពេលនេះទៅប្រកួតរបស់គេទាំងអស់ គឺដូចលេងនៅក្រៅដីដូច្នេះដែរ ព្រោះអ្នកគាំទ្រ PSG មិនបានចាត់ទុកគេជាកីឡាករក្រុមឡើយ៕ប្រភព៖ Dailymail