ថ្មីៗនេះបានកើតរឿងរ៉ាវក្តៅគគុកដែលមតិជាច្រើនបានជំរុញឲ្យលោក Jose Mourinho មកដឹកនាំនៅក្លឹប Real Madrid បន្ទាប់ពីស្តេចសហាក់មានការធ្លាក់ចុះនូវទម្រង់លេងក្នុងរយៈពេលចុងក្រោយ ក្រោមការដឹកនាំរបស់ Zinedine Zidane។
ឆ្លើយតបនឹងបញ្ហានេះ លោក Mourinho ដែលកំពុងទំនេរជើងជិត ១ ឆ្នាំប្រាប់ទៅកាន់ Deportes Cuatro ដូច្នោះថា៖ “អ្នកមិនអាចទៅបង្វឹកនៅក្លឹបដែលគេកំពុងមានគ្រូបង្វឹកដឹកនាំហើយនោះទេ ពោលគឺខ្ញុំគ្មានចំណាប់អារម្មណ៍ទៅដឹកនាំ Real Madrid ក៏ព្រោះតែសព្វថ្ងៃគេមានគ្រូរួចទៅហើយ”។
ត្បិតជាសារដ៏ខ្លី ដើម្បីបញ្ចប់ចម្ងល់ជាមួយអ្នកសារព័ត៌មាន ប៉ុន្តែអតីតអ្នកចាត់ការនៅក្លឹបបិសាចក្រហមបច្ចុប្បន្ននៅតែឈរជាបេក្ខភាពទីមួយ ត្រៀមជំនួសតំណែងអ្នកចាត់ការសញ្ជាតិបារាំងនៅ Real Madrid ប្រសិនណាលោក Florentino Perez សម្រេចដកតំណែង Zidane ដូចការរំពឹងទុករបស់មតិមួយចំនួនពិតមែននោះ៕ ប្រភព៖ Marca