វាជារឿងគួរឱ្យភ្ញាក់ផ្អើលមួយដែលក្រុម Norwich បានយកឈ្នះលើក្រុម Manchester City បានក្នុងលទ្ធផល ៣-២ នាការប្រកួតលីគកំពូលអង់គ្លេសនៅយប់មិញនេះ។មុនការប្រកួតនេះ ក្រុម Norwich បានបញ្ជាក់ថាពួកគេនឹងអវត្តមានកីឡាករសំខាន់ៗក្នុងរហូតដល់១១នាក់ឯណោះ ដែលធ្វើឱ្យក្រុមគ្រូបង្វឹកឈឺក្បាលយ៉ាងខ្លាំង។ តែជាក់ស្ដែងក្នុងការប្រកួតវិញ ក្រុមរបស់លោក Farke ហាក់ដូចជាធ្វើបានល្អ ដោយអាចរកគ្រាប់បាល់នាំមុខក្រុម Man City ២គ្រាប់មុនឯណោះ។ ២គ្រាប់នោះធ្វើបានដោយ Mclean នាទី១៨ និង Mclean នាទី២៨ មុនពេល Aguero រកបាន១គ្រាប់វិញនៅនាទី៤៥។
នៅតង់ទី២អ្វីៗនៅតែមិនល្អសម្រាប់ក្រុមលោក Pep ដដែល ដោយ Pukki រកបាន១គ្រាប់ឱ្យ Norwich ទៀតនៅនាទី៥០។ ធ្វើឱ្យលទ្ធផល ក្រុម Norwich នាំមុខ City ដល់ទៅ ៣-១ ទៅហើយ។ ក្រុមការពារតំណែងជើងឯកឆ្នាំមុនបានព្យាយាមវាយសម្រុកវិញដែរ រហូតនាទី៨៨ ក៏រកបាន១គ្រាប់ទៀតដោយ Rodri ហើយក៏ជាគ្រាប់បាល់ចុងក្រោយនៃការប្រកួតផងដែរ។ ចប់លទ្ធផល Norwich ឈ្នះ ៣-២ លើក្រុម Man City ៕
ប្រភព៖ DailyMail