៤ គ្រាប់របស់ Cristiano Ronaldo កាលពីយប់មិញបានកើតឡើងនៅនាទី ៧, ៦១, ៦៥ និង ៧៦ មុនពេល William Carvalho សម្រេចចុងម៉ោងនៅនាទី ៩០+២ បញ្ចប់ទៅនៅលទ្ធផល ៥-១ លើម្ចាស់ផ្ទះលីទុយអានី។
ទៅមើលចំនួនគ្រាប់បាល់សរុបរបស់ CR7 សម្រាប់ការលេងឲ្យជម្រើសជាតិគឺកើនឡើងសរុបមកដល់គ្រាប់ទី ៩៣ ហើយ ដែលធៀបនឹងកំណត់ត្រាវីរបុរសអ៊ីរ៉ង់ Ali Daei មាន ១០៩ គ្រាប់។
កីឡាករវ័យ ៣៤ ឆ្នាំនៅសល់គម្លាត ១៦ គ្រាប់ផ្សេងទៀត ដែលនេះលោកនៅមានឱកាសច្រើន ពោលគឺសម្រាប់ការប្រកួតវគ្គជម្រុះដែលនៅសល់ប៉ុន្មានជុំ គួបផ្សំនឹងការប្រកួតផ្លូវការនៅឆ្នាំ ២០២០ ប្រសិនអាចឆ្លងផុត ជាមួយនឹងការត្រៀមតតាំងនៅ World Cup ឆ្នាំ ២០២២ នៅកាតា ដែលជាក្តីសង្ឃឹមជួយឲ្យ CR7 បំបែកបានកំណត់ត្រាដ៏អស្ចារ្យមុនប្រកាសព្យួរស្បែកជើងពីកីឡាបាល់ទាត់៕ ប្រភព៖ Marca