Neymar នឹងអាចក្លាយជាកីឡាករកំពូលក្នុងលោក ប្រសិនគេព្រមផ្លាស់ប្តូរនូវឥរិយាបថចិត្តគំនិតតាម Cristiano Ronaldo។ នេះជាសារដែល Jorge Jesus អ្នកចាត់ការរបស់ក្លឹប Flamengo បានយល់ឃើញ។
Jesus បានជជែកនៅកិច្ចសម្ភាសន៍ជាមួយ Globoesporte ដូច្នោះថា៖ “នៅប៉ុន្មានឆ្នាំចុងក្រោយនេះគឺពិតណាស់ដែល Ronaldo និង Messi ឈរលំដាប់កំពូល ហើយវីរបុរសរបស់ខ្ញុំគឺ Johan Cruyff”។
លោកបន្ត៖ “ជុំវិញរឿងរ៉ាវ Neymar គឺគេអាចឈរនៅកម្រិតខ្ពស់បែបនេះបាន ប្រសិនណាអាចធ្វើការហ្វឹកហាត់និងផ្លាស់ប្តូរផ្នត់គំនិតដូច Ronaldo ពោលគឺលុះត្រាតែគេកែប្រែ អ៊ីចឹងទេវាមិនអាចទៅរួចឡើយ”៕ ប្រភព៖ BeSoccer