Gareth Bale បានបញ្ជាក់ថាខ្លួនមិនដែលខ្វល់ចំពោះការចុះផ្សាយនានាកន្លងមកនោះទេ ហើយបច្ចុប្បន្ននេះគឺខ្លួនផ្ដោតលើការខិតខំប្រឹងប្រែងលេងឱ្យបានល្អបំផុតប៉ុណ្ណោះ។
ជាយូរមកហើយ Bale មិនដែលនិយាយអ្វីឡើយជាមួយអ្នកកាសែត ហើយស្រាប់តែយប់មិញនេះ កីឡាករជម្រើសជាតិវែលបានបង្ហាញមុខឱ្យគ្រប់គ្នាសួរនាំតែម្ដង។ សំនួរជាច្រើនបានចោទសួរទៅលើរូបគេ ជាពិសេសរឿងអនាគតនៅក្លឹប Real Madrid និងការផ្លាស់ទៅលេងនៅក្លឹបប្រទេសចិនតែម្ដង។
Bale បានបញ្ជាក់យ៉ាងច្បាស់ថា៖ “ខ្ញុំមិនបានស្ដាប់ការរិះគន់នោះទេ ពួកគេមិនបានដឹងច្បាស់ថាពួកគេកំពុងនិយាយពីអ្វី។ ខ្ញុំមិនបានអានអ្វីទាំងអស់ ហើយខ្ញុំក៏មិនស្ដាប់ពួកគេដែរ។ ខ្ញុំដឹងមនុស្សជាច្រើនមិនបានយល់ពីស្ថានការច្បាស់ទេ។ អ្វីដែលពួកគេសរសេរគឺមិនប្រាកដទាំងអស់។ ដូច្នេះហើយវាមិនបានប៉ះពាល់អារម្មណ៍ខ្ញុំឡើយ”៕ប្រភព៖ Dailymail
