ខ្សែប្រយុទ្ធ Sanchez បានស្នើសុំក្លឹប Manchester United ផ្លាស់ទៅលេងនៅក្លឹប Inter Milan ដែរ ដោយទទួលយកតម្លៃពលកម្មទាបជាងនៅ Old Trafford ។
លោក Conte កំពុងព្យាយាមបញ្ចុះបញ្ចូលថ្នាក់លើរបស់ក្លឹប Inter Milan ដើម្បីចំណាយប្រាក់ទិញយក Sanchez ពីក្រុម Man Utd ម្នាក់ទៀត ដើម្បីធ្វើឱ្យតំបន់ប្រយុទ្ធខាងលើរបស់ខ្លួនកាន់តែមុតស្រួច។ ស្របពេលខាងកីឡាករវិញ ក៏ចង់ចាកចេញពីអង់គ្លេសដែរ។ ប្រភពបញ្ជាក់ថា Sanchez បានសុំក្លឹបបិសាចក្រហមចាកចេញហើយ ដោយរូបគេបានយល់ព្រមទទួលយកប្រាក់តម្លៃពលកម្មទាបនៅអ៊ីតាលី។
ក្រៅពីទិញដាច់ ក្រុម Inter Milan មានជម្រើស១ទៀត ដោយចង់ខ្ចីជើងកីឡាករឈីលីរូបនេះ។ លោក Conte ចង់ខ្ចីជើង១រដូវកាល ដោយបង់ឱ្យ Man Utd ៤,៥លានផោន អមជាមួយកុងត្រាទិញផ្ដាច់ថែមទៀតក្រោយដាច់កុងត្រាខ្ចីជើង។ ជាមួយនឹងការចង់បានរបស់ក្រុមនៅអ៊ីតាលី លោក Ole ដែលជាអ្នកចាត់ការក្រុម Man Utd បែរជានិយាយថាលោកចង់ឱ្យ Sanchez បន្ដនៅ Old Trafford ទៅវិញ៕ប្រភព៖ Dailymail