នៅអំឡុងពេលកម្តៅសាច់ដុំមុនបើកការប្រកួតទល់ Tottenham កាលពីយប់មិញ គេឃើញកីឡាកររបស់ Man City ជាច្រើនរូបបាននាំគ្នាពាក់អាវរបស់ Leroy Sane និងលេខ ១៩ ដែលរូបភាពនេះបានធ្វើឲ្យមានការភ្ញាក់ផ្អើលជាខ្លាំង។
តាមការឲ្យដឹងថាតាមពិតទៅនេះគ្រាន់តែជាការលើកទឹកចិត្តដល់ Sane ដែលកំពុងសម្រាកព្យាបាលរបួសធ្ងន់ធ្ងរ រហូតឈានដល់ការវះកាត់តែប៉ុណ្ណោះ។ ខ្សែប្រយុទ្ធស្លាបរបស់មេឃខៀវបានរងរបួសជង្គង់ (ACL) នៅអំឡុងការបើកឆាកក្នុងព្រឹត្តិការណ៍ The Community Shield ទល់ Liverpool ហើយរំពឹងខកខានការបង្ហាញខ្លួនច្រើនខែ។
យ៉ាងណាមិញ Sane ក៏បានបង្ហោះរូបភាពប្លែកភ្នែកនេះលើបណ្តាញសង្គម និងធ្វើការអរគុណដល់ក្លឹបជាមួយមិត្តរួមក្រុមរបស់ខ្លួនផងដែរ។ ប្រភព៖ AF
