លោកEmery អ្នកចាត់ការក្រុម Arsenal បាននិយាយថាក្រុមរបស់ខ្លួនមិនហាននិយាយដល់ការប្រជែងពានរង្វាន់នោះទេ ត្បិតអីបច្ចុប្បន្នមិនទាន់រៀបចំបានល្អនៅឡើយ។
កាំភ្លើងធំបើករដូវកាលមក ដោយលទ្ធផលមិនអាក្រក់នោះទេ ពោលគឺអាចយកឈ្នះក្រុម Newcastle United បានក្នុងលទ្ធផល ១-០។ ជាមួយការទិញចូលកីឡាករថ្មីច្រើនផងនោះ ទើបបានជាគេដាក់សំនួរថាតើក្រុម Arsenal ពិតជាធ្វើបានល្អជាងរដូវកាលមុនៗពិតមែនឬយ៉ាងណា។
លោក Emery បាននិយាយចំពោះក្រុមបច្ចុប្បន្ននេះថាលោកមើលឃើញសមត្ថភាពពួកគេរីកចម្រើន។ តែមិនអាចនិយាយបានថាល្អជាងពីមុន ឬអត់នោះទេ។ ការងារបច្ចុប្បន្នដែលលោកធ្វើ គឺត្រូវពង្រឹងក្រុមឱ្យល្អ សហការគ្នាលេងឱ្យល្អ និងទទួលបានលទ្ធផលល្អសម្រាប់ការប្រកួតទល់ក្រុម Burnley នៅម៉ោង៦:៣០នាទីល្ងាចនេះ៕ប្រភព៖ Dailymail
