តារាឆ្នើមក្លឹប Juventus គឺកីឡាករ Cristiano Ronaldo បានទទូចប្រាប់ឲ្យក្លឹប Juventus ពិចារណាក្នុងការនាំយកមិត្តរួមជម្រើសជាតិរបស់ Lionel Messi គឺ Mauro Icardi មកចូលរួមនៅទ្រនំនៃទឹកដី Turin ក្នុងពេលខាងមុខ។
Icardi ដែលមានដំណឹងល្ហិចល្ហៀងអាចចាកចេញពី Inter Milan មានតម្លៃខ្លួនប្រមាណ ៦០ លានអឺរ៉ូ ដែលរូបគេមានភាគរយខ្ពស់ត្រូវចាកចេញ បន្ទាប់ពីអ្នកចាត់ការថ្មីលោក Antonio Conte បំពេញក្តីប្រាថ្នាទាក់យក Lukaku ចេញពី Old Trafford និងប្រគល់ជូនអាវលេខ ៩ ទៀតផង។
Icardi នៅជម្រើសជាតិអាហ្សង់ទីនទើបតែលេងបាន ៨ ប្រកួត និងរកបាន ១ គ្រាប់គត់ ប៉ុន្តែការលេងនៅក្លឹបរូបគេក៏ជាជើងស៊ុតដ៏ចំណានម្នាក់ដែរ។ ការចរចាបែបណានោះត្រូវសម្រេចទៅឲ្យបានមុនថ្ងៃទី ២ កញ្ញា ដែលជាកាលបរិច្ឆេទបិទទីផ្សារដោះដូរនៅលីគអ៊ីតាលី។ ប្រភព៖ FoxSportAsia
