កីឡាករ James Rodriguez កន្លងមកបានរងចចាមអារ៉ាមថាអាចនឹងផ្លាស់ទៅចូលរួមនៅក្លឹប Atletico Madrid ឬ Napoli ប៉ុន្តែចំពោះដំណឹងច្បាស់ការលម្អិតលោក Mendes ដែលជាភ្នាក់ងាររបស់ខ្សែបម្រើប្រយុទ្ធរូបនេះ មិនទាន់អាចផ្តល់ចម្លើយសមប្រកបណាមួយនៅឡើយ។
សួរនាំដល់អនាគតរបស់ James លោក Mendes បានប្រាប់ Marca៖ “អ្នកចាំបាច់ត្រូវទៅសួរប្រធានក្លឹបលោក Florentino Perez ដែលនៅខាងមុខខ្ញុំ ខណៈសម្រាប់ខ្ញុំគឺគ្រាន់តែចង់ឲ្យទទួលបានលទ្ធផលល្អសម្រាប់កីឡាករនិងភាគីខាងក្លឹបតែប៉ុណ្ណោះ”។
បញ្ជាក់ថាតាមរបាយការណ៍ចុងក្រោយបង្អស់ក៏មានការបង្ហើបជុំវិញអនាគត James ថាក្លឹប Madrid បានប្រាប់ទៅកីឡាករកូឡុំប៊ីពីសង្ឃឹមដែលគេអាចបន្តឈរជើងនៅរដូវកាលក្រោយបន្តទៀត ប៉ុន្តែរឿងចាក់ស្រេះជាមួយការផ្លាស់ទៅក្លឹបដទៃ នៅតែផ្ទុះឡើងជាបន្តបន្ទាប់ដដែល។ ប្រភព៖ BeSoccer