ក្លឹប Monaco កំពុងតាមទិញខ្សែប្រយុទ្ធ Mariano Diaz ទៅលេងនៅបារាំងវិញ ក្រោយពីរូបគេមិនសូវមានឱកាសចូលលេងឡើយឱ្យក្រុម Real Madrid ។
Mariano ជាកីឡាករថ្នាលម្នាក់របស់ Real ដែលត្រូវបានក្លឹប Lyon ទិញយកកាលពីឆ្នាំ២០១៧កន្លងទៅ ហើយការលេងនៅបារាំងរូបគេក៏បានបង្ហាញសមត្ថភាពខ្ពស់ផងដែរ។ ក្រោយពីលេងបាន១រដូវកាល ៣៧ប្រកួត រកបាន១៨គ្រាប់ រូបគេក៏ត្រូវ Real នាំយកមកវិញ។ ការមកវិញ ពាក់អាវលេខ៧នេះ Mariano មិនមានឱកាសបង្ហាញសមត្ថភាពច្រើននោះទេ ដោយរដូវកាលកន្លងទៅលេងបាន១៣ប្រកួត រកបាន៣គ្រាប់ប៉ុណ្ណោះ។
ការលេងបានតិចនេះហើយ ទើបបានជាក្រុម Monaco ក្នុងលីគបារាំង កំពុងទាក់ទងនាំគេទៅលេងនៅបារាំងវិញ។ ស្របពេលក្រុម Zidane ក៏ចង់លក់រូបគេចេញដែរ ដើម្បីមានកន្លែងសម្រាប់កីឡាករថ្មីទៀត៕ប្រភព៖ Marca
