ក្លឹប Arsenal ចង់ខ្ចីជើងខ្សែបម្រើ Dani Ceballos ពីក្រុម Real Madrid ១រដូវកាល ជាមួយលក្ខខណ្ឌអាចទិញផ្ដាច់យកតែម្ដងបើសិនជាលេងបានល្អ។
កាំភ្លើងធំ កំពុងប្រមាញ់កីឡាករមកពង្រឹងក្រុមឡើងវិញ ជាពិសេសតំបន់ការពារនិងបម្រើតែម្ដង។ ពួកគេទិញបាន Willian Saliba ពីក្រុម St Etienne ហើយប៉ុន្តែត្រូវក្លឹបខ្ចីជើង១រដូវកាលវិញសិន។ ខណៈដែលពេលនេះ ក៏កំពុងចរចាយកខ្សែការពារម្នាក់ទៀតគឺ Kieran Tierney ពីក្រុម Celtic ហើយរំពឹងថានឹងបានក្នុងពេលចាប់ៗនេះ។
ទន្ទឹមគ្នានឹងយកការពារនេះដែរ ក្រុមរបស់លោក Emery ក៏ទាក់ទងទៅ Real Madrid ដើម្បីសួរនាំ Dani Ceballos ផងដែរ។ កីឡាករអេស្ប៉ាញនេះ មានតម្លៃខ្លួនខ្ពស់ដែរ ដូច្នេះក្រុម Arsenal ចង់ខ្ចីជើង១រដូវកាលសិន ជាមួយលក្ខខណ្ឌទិញយកផ្ដាច់នៅរដូវកាលបន្ទាប់ផងដែរ។ ក្រៅពីចង់ខ្ចីជើងកីឡាករReal Madrid នេះហើយ កាំភ្លើងធំក៏ទាក់ទងយក Everton កីឡាករប្រេស៊ីលដែលទើបជួយក្រុមលើកពាន Copa America ដែរ។ តម្លៃខ្លួនរបស់គេ អាចនឹង៣២លានផោន ទើបក្រុម Gremio ព្រមលក់ចេញ៕ប្រភព៖ Dailymail
