ការប្រកួតជម្រុះ World Cup 2022 វគ្គទី២ នឹងត្រូវចាប់ពូលនៅល្ងាចនេះហើយ នាប្រទេសម៉ាឡេស៊ី ខណៈដែលក្រុមកម្ពុជាស្ថិតនៅ POT 5 ។
ក្រុមជម្រុះវគ្គទី២ នៅទ្វីបអាស៊ី មាន៤០ក្រុម បែងចែកជា៥ POT ។ គេបែងចែកជា៥ POT នេះ ដោយ POT ទី១ គឺក្រុមខ្លាំងប្រចាំទ្វីប ហើយ POT បន្ដបន្ទាប់គឺជាចំណាត់ថ្នាក់ពីខ្លាំងទៅទាបរហូតដល់ POT ចុងក្រោយ។ គេនឹងចាប់ផ្ដើមនៅល្ងាចនេះ ដើម្បីយក៨ពូល ១ពូលមាន៥ក្រុម ដែលចេញពី POT នីមួយៗ។
កម្ពុជា ស្ថិតនៅ POT ទី៥ ដូច្នេះនឹងត្រូវប៉ះក្រុមតាម POT នីមួយៗ ដែលសុទ្ធសឹងតែជាក្រុមខ្លាំង។ ក្រោយពីចាប់ពូលរួចរាល់ហើយ ការប្រកួតចាប់ផ្ដើមពីថ្ងៃទី០៥ ខែកញ្ញា ២០១៩ ដល់ថ្ងៃទី០៩ ខែមិថុនា ២០២០។ ការប្រកួតនេះនឹងមានក្រៅដី និងក្នុងដី ដើម្បីស្វែងរកក្រុមលេខ១តាមពូលទាំង៨ និងជ្រើសរើសយកលេខ២ល្អ ៤ក្រុមទៀត ដើម្បីបាន១២ក្រុម ប្រកួតជម្រុះលើកទី ៣ យកសម្រេចទៅ World Cup 2022 នៅកាតាតែម្ដង៕ប្រភព៖ Foxsportsasia
