អ្នកចាំទី David de Gea បានសម្រេចចិត្តបន្ដកុងត្រានៅ Manchester United ទៀតហើយ ដោយរូបគេនឹងស៊ីញេកុងត្រាក្រោយត្រលប់ពីប្រកួតមិត្តភាពវិញ។
ការព្រមបន្ដកុងត្រាថ្មីនេះដែរ ត្រូវបានគេដឹងថាអ្នកចាំទីដៃស្អិតរូបនេះ នឹងទទួលបានតម្លៃខ្លួនខ្ពស់មែនទែន រហូតដល់ ៣៥ម៉ឺនផោនក្នុង១សប្ដាហ៍ឯណោះ។ តម្លៃខ្លួនក្នុងកុងត្រាថ្មីនេះ បានធ្វើឱ្យរូបគេក្លាយជាអ្នកចាំទីមានប្រាក់ពលកម្មខ្ពស់ជាងគេបំផុតក្នុងប្រវត្តិសាស្ត្របាល់ទាត់។ ការចុះកុងត្រាថ្មី នឹងធ្វើឡើងក្រោយបញ្ចប់ការប្រកួតមិត្តភាពនារដូវក្ដៅនេះ។
អ្នកចាំទី វ័យ២៨ឆ្នាំខាងលើធ្វើមិនបានល្អឡើយសម្រាប់រដូវកាលកន្លងទៅនេះ ប៉ុន្តែរូបគេនៅតែទទូលបានការទុកចិត្តពីថ្នាក់ដឹកនាំដដែល ព្រោះឆ្នាំមុនៗកន្លងទៅ De Gea នេះហើយ ជាអ្នកចាំទីដៃស្អិតជាងគេជួយក្រុមបានច្រើនមែនទែន៕ប្រភព៖ Dailymail
