ខ្សែប្រយុទ្ធ Eden Hazard បានផ្លាស់ទៅលេងនៅក្លឹប Real Madrid ជាផ្លូវការហើយ និងបានចូលរួមជាមួយក្រុមដើម្បីហ្វឹកហាត់នៅប្រទេសកាណាដាផងដែរ។
ជាមួយគ្នានឹងការធ្វើដំណើរទៅហ្វឹកហាត់នោះដែរ គេបានសង្កេតឃើញថាកីឡាករបែលហ្សិកនៅមិនទាន់បានផ្លាស់ប្ដូរស្រោមទូរសព្ទរបស់ខ្លួន ដែលមានរូបកូនស្រីពាក់អាវ Chelsea នៅឡើយទេ។ រូបភាពនេះហើយ ត្រូវបានអ្នកគាំទ្រគិតថា Hazard នៅតែស្រលាញ់ក្រុមតោខៀវដដែល បើទោះជាខ្លួនបានផ្លាស់មកលេងនៅក្លឹប Real Madrid ក្រុមក្នុងក្ដីស្រមៃហើយក៏ដោយ។
ស្របពេលអ្នកគាំទ្រ Chelsea វិញ ក៏បង្ហាញនូវការគោរពចំពោះការសម្រេចចិត្តចាកចេញរបស់កីឡាករឆ្នើមរបស់ខ្លួនដែរ។ ពួកគេយល់ថាការទៅលេងនៅក្លឹប Real នេះ វាជាក្ដីស្រមៃរបស់ Hazard ហើយក៏ជាបំណងតែមួយគត់របស់គេដែរ៕ប្រភព៖ Dailymail
