អ្នកចាត់ការរបស់ក្លឹបបិសាចក្រហម Manchester United លោក Ole Gunnar Solskjaer នឹងជាផ្នែកដ៏សំខាន់មួយដែលអាចបញ្ចុះបញ្ចូលឲ្យតារាឆ្នើម Paul Pogba បន្តឈរជើងនៅទឹកដី Old Trafford តទៅទៀត ត្បិតទទួលបានសំណើពីក្លឹបយក្សធំៗនៅតំបន់អឺរ៉ុប។
Pogba ដែលមានឈ្មោះចូលប្រកួតត្រៀមបើករដូវកាលជាមួយក្លឹបនៅទឹកដីប្រទេសអូស្រា្តលី ក៏ត្រូវបានសារព័ត៌មាន AS សង្កត់ធ្ងន់ថា United នឹងគ្មានផែនការណ៍ដកចេញកីឡាករសញ្ជាតិបារាំងរូបនេះទេ។
ប្រភពក៏សង្កត់ធ្ងន់ថា Solskjaer ដែលជាអ្នកចាត់ការបានកន្លះរដូវកាល ក៏មានទំនាក់ទំនងវិជ្ជមានជាមួយជើងឯក World Cup រូបនេះផងដែរ ពោលជាកត្តាមួយដែលអាចជំរុញឲ្យលោកអាចផ្លាស់ប្តូរការគិតរបស់ Pogba បាន។
កន្លងទៅភ្នាក់ងាររបស់បុរសវ័យ ២៦ ឆ្នាំបាននិយាយចំៗថា Pogba ចង់បានការប្រកួតប្រជែងថ្មី ប៉ុន្តែមកទល់បច្ចុប្បន្នមិនទាន់លឺដំណឹងច្បាស់ការណាមួយពីការផ្លាស់ចេញរបស់កីឡាករវ័យ ២៦ ឆ្នាំនៅឡើយ។ ប្រភព៖ BeSoccer