FIFA បានចាត់ទុកការប្រកួត Women World Cup 2019 នេះ គឺជាការប្រកួត World Cup នារីជោគជ័យបំផុតក្នុងប្រវត្តិសាស្ត្រ។
លោក Gianni Infantino ប្រធាន FIFA បាននិយាយថា Women World Cup ឆ្នាំនេះ គឺជោគជ័យបំផុត ធំបំផុត ល្អបំផុត និងមានមោទនភាពខ្លាំង ក្រោយពីព្រឹត្តិការណ៍នេះទទួលបានការចាប់អារម្មណ៍ខ្លាំង។ មានអ្នកមើលដល់១ពាន់លាននាក់ និងអ្នកចូលរួមផ្ទាល់ប្រមាណ១លាននាក់ទៀត បានធ្វើឱ្យ Women World Cup ឆ្នាំនេះ បំបែកកំណត់ត្រាធ្វើបានល្អបំផុតក្នុងប្រវត្តិសាស្ត្រហើយ។
លោក Gianni Infantino បង្ហើបគម្រោងទៀតថានៅលើកក្រោយ លោកចង់បង្កើនក្រុមពី២៤ឱ្យដល់៣២ក្រុម ហើយប្រាក់រង្វាន់ក៏ត្រូវបង្កើនទ្វេដងផងដែរ។ ពោលគឺម្ចាស់ជើងឯកឆ្នាំនេះ បានត្រឹម៣០លានដុល្លារប៉ុណ្ណោះ ខណៈដែលការប្រកួតលើកក្រោយវិញនឹងឡើងដល់៦០លានដុល្លារ៕ប្រភព៖ Bbc
