ក្រុម Juventus បានចូលខ្លួនដេញថ្លៃយកខ្សែប្រយុទ្ធ Lukaku ពីក្រុម Manchester United ដែរហើយ ក្រោយពីបិសាចក្រហមចង់បញ្ចេញកីឡាករបែលហ្សិករូបនេះ។
Lukaku នេះត្រូវបានក្រុម AC Milan តាមទិញតាំងពីបើករដូវកាលដោះដូរកីឡាករមក ប៉ុន្តែមិនទាន់បានសម្រេចឡើយ ព្រោះតម្លៃខ្លួនរបស់គេខ្ពស់ពេកដល់៧៥លានផោនឯណោះ។ ទន្ទឹមគ្នានេះដែរ ខាងក្រុម Juventus ឯណោះ ក៏បានបង្ហាញការចាប់អារម្មណ៍លើខ្សែប្រយុទ្ធមាឌធំដែរ ហើយពួកគេក៏បញ្ជូនក្រុមការងារមកចរចា។
សម្រាប់តម្លៃ AC Milan មិនអាចហានដល់៧៥លានផោនឡើយ ប៉ុន្តែពួកគេបានឱ្យលក្ខខណ្ឌមួយទៀតគឺការខ្ចីជើង១រដូវកាល ដោយផ្ដល់ទៅ Man Utd ១០លានផោនវិញ។ សម្រាប់បិសាចក្រហមហាក់មិនពេញចិត្តសម្រាប់ការស្នើខ្ចីជើងឡើយ ពួកគេចង់លក់ដាច់តែម្ដង ដើម្បីបានប្រាក់មកទិញកីឡាករផ្សេងទៀត៕ប្រភព៖ Dailymail