ក្រុមកាំភ្លើងធំ Arsenal កំពុងត្រៀមប្រាក់៣៥លានអឺរ៉ូ ដើម្បីនាំយកខ្សែប្រយុទ្ធម្នាក់ពីក្រុម Real Madrid គឺកីឡាករ Lucas Vazquez ។
លោក Unai Emery ចង់បាន Lucas ជាយូរមកហើយ ព្រោះលោកពេញចិត្តនឹងការលេងរបស់កីឡាករអេស្ប៉ាញនេះខ្លាំង។ ដូច្នេះហើយ ទើបពួកគេចរចាជាមួយក្រុម Real Madrid ពីលទ្ធភាពដែលអាចយករូបគេមកបាននារដូវក្ដៅនេះ។ តម្លៃដំបូងដែលក្រុមកាំភ្លើងធំ ហានឱ្យនោះគឺ៣៥លានអឺរ៉ូ។ ខ្សែប្រយុទ្ធស្លាបម្នាក់នេះ ក៏មានក្លឹបដទៃទៀតចង់បានផងដែរ តែមិនទាន់មានការលក់ចេញជាផ្លូវការទេ។
កីឡាករវ័យ២៨ឆ្នាំខាងលើ ស្ថិតក្នុងបញ្ជីលក់ចេញ ក្រោយពីលោក Zidane មិនបានផ្ដល់ឱកាសច្រើនដល់រូបគេដើម្បីចូលលេងនោះទេ។ ដោយរដូវកាលថ្មីខាងមុខ ក៏មិនស្ថិតក្នុងបញ្ជីដែលត្រូវប្រើប្រាស់ផងដែរ៕ប្រភព៖ Foxsportsasia
