ក្រុមប៉េរូ បានទម្លាក់ក្រុមការពារតំណែងជើងឯកឈីលី បានសម្រេចក្នុងលទ្ធផលឈ្នះ ៣-០ ដើម្បីកក់កៅអីឡើងវគ្គផ្ដាច់ព្រ័ត្រប៉ះក្រុមប្រេស៊ីល ពានរង្វាន់ Copa America ។
នេះជារឿងមិនគួរឱ្យជឿដែលក្រុមឈីលីធ្លាក់ចេញ ដោយចាញ់ក្រុមប៉េរូដល់ទៅ៣គ្រាប់យ៉ាងនេះ។ បើមើលទៅតាមការប្រកួត ឈីលី ព្យាយាមវាយសម្រុកណាស់ដែរ ប៉ុន្តែហាក់មិនមានសំណាងឡើយ។ ផ្ទុយទៅវិញ ប៉េរូឯណោះបានស្វែងរកគ្រាប់បាល់ជាបន្ដបន្ទាប់ រហូតដល់ទៅ៣គ្រាប់។ គ្រាប់បាល់នោះដែរ កើតឡើងដោយ Flores នាទី២១ Yotun នាទី៣៨ និង Guerrero នៅនាទី៩០។
នេះជាការឡើងដល់វគ្គផ្ដាច់ព្រ័ត្រជាថ្មីម្ដងទៀតរបស់ក្រុមប៉េរូ ក្រោយពីពួកគេធ្វើបានចុងក្រោយនៅឆ្នាំ ១៩៧៥ឯណោះ។ ពួកគេនឹងត្រូវប៉ះក្រុមម្ចាស់ផ្ទះប្រេស៊ីល ក្នុងវគ្គផ្ដាច់ព្រ័ត្រដែលធ្វើឡើងនៅថ្ងៃទី៨ខាងមុខ វេលាម៉ោង៣ទាបភ្លឺ៕