ក្រុមកាំភ្លើងធំ Arsenal ទិញបានខ្សែប្រយុទ្ធម្នាក់ហើយឈ្មោះ Gabriel Martinelli វ័យ១៨ឆ្នាំជនជាតិប្រេស៊ីល មានតម្លៃខ្លួន៦លានផោន។
Martinelli ជាយុវជនឆ្នើមម្នាក់ក្នុងស្រុកកំណើតរបស់គេ ហើយក៏ត្រូវបានកោះហៅចូលហ្វឹកហាត់ក្នុងក្រុមជម្រើសជាតិផងដែរ មុនពេលត្រូវកាត់ចេញ ដើម្បីចូលលេង Copa America ។ កីឡាកររូបនេះ នឹងចូលរួមជាមួយក្រុម Arsenal ក្នុងការប្រកួត Pre-Season ខាងមុខ។ សាមីខ្លួន បានចាត់ទុកខ្លួនឯង ថាជាអ្នកដើរតាមគន្លងរបស់ Cristiano Ronaldo ថែមទៀតផង។
Martinelli រកបាន១០គ្រាប់ក្នុងការបង្ហាញខ្លួនឱ្យក្រុម Sao Paulo ៣៤ប្រកួតកន្លងមក ខណៈដែលគេចូលលេងឱ្យក្រុមនេះតាំងពីអាយុ១៦ឆ្នាំមកម្ល៉េះ៕ប្រភព៖ Dailymail