លោក Pep Guardiola បានបញ្ជាក់ច្បាស់ថាក្រុម Manchester City បានផ្ដល់គ្រប់យ៉ាងឱ្យខ្លួនទៅហើយ ដូច្នេះមិនមានចិត្តចង់ចាកចេញទៅណាទៀតនោះទេ។
មួយរយៈមុននេះ មានដំណឹងថាលោកចង់ទៅអេស្ប៉ាញវិញហើយ ព្រោះទីនោះជាស្រុកកំណើតរបស់ខ្លួន។ ការចង់ត្រលប់ទៅវិញនោះ បានធ្វើឱ្យក្រុមអ្នកគាំទ្រ Barcelona សប្បាយចិត្ត ព្រោះអីអាចជាដំណឹងលោក Pep ចង់មកដឹកនាំក្រុម Barcelona វិញក៏បាន។
ដើម្បីបញ្ជាក់ឱ្យច្បាស់កុំឱ្យមានការច្រឡំទៀត អ្នកចាត់ការល្បីឈ្មោះរូបនេះ បានប្រាប់ថាមិនមែនលោកចង់ទៅដឹកនាំក្រុមអ្នកមានបុណ្យវិញនៅពេលនេះទេ។ លោកចង់បញ្ជាក់ថាទីក្រុង Barcelona នៅតែជាទីក្រុងដែលលោកចង់រស់នៅដដែល។ សម្រាប់ការចង់ចាកចេញពី Man City នោះ គឺជារឿងមិនពិតឡើយ ព្រោះលោកកំពុងសប្បាយចិត្តក្នុងការដឹកនាំក្រុមអង់គ្លេសនេះ។ Man City បានផ្ដល់គ្រប់យ៉ាងដែលលោកចង់បាន៕ប្រភព៖ dailymail