លោក Jose Mourinho បានបដិសេធមិនព្រមដឹកនាំក្រុម Newcastle United ឡើយ ដោយលោកអះអាងថាមិនដឹកនាំក្រុមដែលគ្មានគោលដៅច្បាស់លាស់ឡើយ។
ក្រុម Newcastle United ទើបតែចែកផ្លូវជាមួយអ្នកចាត់ការរបស់ខ្លួន Rafa Benitez កាលពីប៉ុន្មានថ្ងៃនេះ ក្រោយពីលោកមិនពេញចិត្តនឹងការដឹកនាំរបស់ម្ចាស់ក្លឹប ដែលមិនព្រមចំណាយប្រាក់ដើម្បីទិញដូរកីឡាករ។ ស្របពេលក្រុមអ្នកគាំទ្រវិញ ក៏បានដាក់ចម្ងល់ចំពោះចំណូលដែលក្លឹបរកបាន ហើយបែរជាក្លឹបមិនចំណាយទិញកីឡាករថ្មីចូលវិញនេះដែរ។
ការចាកចេញរបស់លោក Benitez មានអ្នកគាំទ្រជាច្រើនចង់បាន Jose មកដឹកនាំក្រុមវិញ។ គ្រាន់តែឮដូច្នេះភ្លាម អ្នកចាត់ការល្បីឈ្មោះរបស់ព័រទុយហ្គាល់រូបនេះបានចេញមុខមកនិយាយភ្លាមថាលោកនឹងមិនដឹកនាំក្រុមដែលចង់បានចំណាត់ថ្នាក់ពាក់កណ្ដាលតារាងនោះទេ។ លោកនឹងមិនចូលទៅដឹកនាំក្រុមមួយដែលគ្មានគោលដៅច្បាស់លាស់ឡើយ៕ប្រភព៖ Dailymail