លោក Roberto Martinez គ្រូបង្វឹកក្រុមជម្រើសជាតិបែលហ្សិក បាននិយាយថាខ្សែប្រយុទ្ធ Lukaku ដល់ពេលត្រូវដើរចេញពីក្រុម Manchester United ហើយ។
Lukaku លេងល្អណាស់នៅជម្រើសជាតិបែលហ្សិក ដោយរកគ្រាប់បាល់សឹងគ្រប់ប្រកួត។ តែបើមើលទៅក្លឹបអាជីព Man Utd វិញ រូបគេលេងមិនបានល្អឡើយ និងពិបាកក្នុងការស្វែងរកគ្រាប់បាល់ខ្លាំងណាស់។ កត្តានេះដែរ បានធ្វើឱ្យលោក Martinez ដែលចូលដឹកនាំក្រុមបែលហ្សិកនៅឆ្នាំ២០១៦ និយាយថានេះដល់ពេលដែល Lukaku ត្រូវចាកចេញហើយ។
បុរសវ័យ៤៥ឆ្នាំបាននិយាយថា៖ “វាបានបង្ហាញថាដល់ពេលដែល Rom ត្រូវចាកចេញពី Man Utd ហើយ។ វានឹងល្អសម្រាប់ភាគីទាំងសងខាង ទាំងក្លឹបនិងកីឡាករ។ បច្ចុប្បន្ននេះ គឺអាស្រ័យទៅលើរូបគេប៉ុណ្ណោះថានឹងត្រូវជ្រើសយកក្លឹបណាលេងបន្ដ”។ ក្រុម Inter Milan ជាបេក្ខភាពមួយក្រោមការដឹកនាំរបស់លោក Conte ចង់បាន Lukaku នេះទៅលេងជាមួយ៕ប្រភព៖ Foxsportsasia
