ក្រុម Spurs កំពុងតាមទិញកីឡាករម្នាក់មករួមក្រុមគឺ Tanguy Ndombele ដែលជាខ្សែបម្រើរបស់ក្រុម Lyon កំពុងឡើងជើងខ្លាំងនារដូវកាលមុន។
រដូវកាលមុន ក្រុម Spurs មិនបានទិញចូលកីឡាករណាម្នាក់ឡើយ តែនៅលេងល្អឡើងដល់វគ្គផ្ដាច់ព្រ័ត្រ UEFA Champions League បាន។ យ៉ាងណាមិញ សម្រាប់រដូវកាលនេះវិញ ពួកគេកំពុងស្វែងរកកីឡាករបន្ថែមមកពង្រឹងក្រុមហើយ ត្រៀមប្រជែងលីគអង់គ្លេស។ ក្នុងនោះ មានប្រភពបញ្ជាក់ថាក្រុមរបស់លោក Pochettino ចាប់អារម្មណ៍លើ Tanguy Ndombele និងដាក់គោលដៅយករូបគេឱ្យបាន។
ក្រុម Lyon បានទាមទារតម្លៃដល់ទៅ៧០លានផោនឯណោះ ទើបព្រមលក់កីឡាករវ័យ២២ឆ្នាំនេះ។ ដូច្នេះហើយ ទើបការចរចាមិនទាន់ត្រូវគ្នាឡើយ ត្បិតអីក្រុម Spurs មិនហានដល់តម្លៃ៧០លានផោននេះឡើយ។ ការដាក់ដល់៧០លាននេះ គឺដោយសារតែមានក្រុមដទៃទៀតចង់បានដែរ មិនមែនមានតែ Spurs មួយឡើយ៕ប្រភព៖ Dailymail
