ខ្សែបម្រើ Pual Pogba មានតែជម្រើស២ប៉ុណ្ណោះនៅរដូវក្ដៅនេះ គឺបន្ដលេងនៅ Manchester United ទៀត និងផ្លាស់ទៅលេងនៅក្លឹប Real Madrid ។ នេះបើតាមការបញ្ជាក់របស់ភ្នាក់ងារទីផ្សាររបស់គេ។
លោក Raiola ដែលជាភ្នាក់ងារទីផ្សាររបស់ Pogba បានបញ្ជាក់ថារឿងផ្លាស់ទៅលេងនៅ Juventus គឺមិនអាចកើតមានបានឡើយ។ កីឡាករបារាំងនេះ មានជម្រើសតែ២ប៉ុណ្ណោះ នាពេលបច្ចុប្បន្ន ដោយអាចផ្លាស់ទៅលេងនៅ Real Madrid បាន ប្រសិនបើក្លឹបហានឱ្យតម្លៃដល់ និងមួយទៀតបន្ដរួមរស់ជាមួយបិសាចក្រហមនារដូវកាលក្រោយ។
ក្រុម Real Madrid ក្រោមការដឹកនាំរបស់ Zidane ចង់បាន Pogba ម្នាក់ទៀតមកពង្រឹងក្រុម ប៉ុន្តែក្រោយពីពួកគេចុះកុងត្រាកីឡាករថ្មីដល់៥នាក់ ក្នុងតម្លៃជាង៣០០លានផោនហើយនោះ ពួកគេតម្រូវឱ្យបញ្ចេញកីឡាករវិញសិន ទើបអាចបន្ដចុះកុងត្រាថ្មីទៀតបាន។ ដូច្នេះហើយ ភាគរយច្រើនមែនទែន ដែល Pogba អាចនឹងបន្ដនៅ Old Trafford ទៀត៕ប្រភព៖ Dailymail