ប្រភពនៅអង់គ្លេស បានបញ្ជាក់ថាលោក Rafa Benitez នឹងចូលខ្លួនដឹកនាំក្រុម Chelsea ជំនួសកន្លែងលោក Sarri ដែលនឹងចាកចេញទៅដឹកនាំក្រុម Juventus ។
Benitez ដែលកំពុងដឹកនាំក្រុម Newcastle United ត្រូវបានគេដឹងថានឹងចូលខ្លួនដឹកនាំក្រុម Chelsea ដែលជាក្រុមលោកធ្លាប់ដឹកនាំម្ដងរួចមកហើយ។ ទទួលកាន់តំណែងនេះ គឺដោយសារតែលោក Sarri អ្នកចាត់ការបច្ចុប្បន្នមានបំណងទៅដឹកនាំក្រុម Juventus ឯណោះវិញ ក្រោយពីមានការចរចាត្រូវគ្នា ក្នុងកុងត្រាដឹកនាំ៣ឆ្នាំ។
ដោយឡែកលោក Benitez វិញ ធ្លាប់ដឹកនាំក្រុមតោខៀវនេះ នៅឆ្នាំ២០១២-១៣ ដោយគ្រានោះលោកនាំក្រុមនេះឈ្នះ Europa League បានថែមទៀត។ យ៉ាងណាមិញ ប្រជាប្រិយភាពរបស់អតីតអ្នកចាត់ការក្រុម Real Madrid នេះ គឺមិនល្អឡើយ ព្រោះលោកមានទំនាក់ទំនងជាមួយក្រុម Liverpool ៕ប្រភព៖ Dailymail
