ខ្សែការពារ Matthijs de Ligt របស់ក្រុមជម្រើសជាតិហុល្លង់បានបញ្ជាក់ថា កីឡាករ Cristiano Ronaldo បានហៅខ្លួនឱ្យទៅចូលរួមជាមួយក្រុម Juventus នៅអ៊ីតាលី ក្រោយចប់ការប្រកួត UEFA Nations League យប់មិញ។
De Ligt បានបរាជ័យក្នុងពានរង្វាន់ UEFA Nations League ដោយចាញ់ក្រុមព័រទុយហ្គាល់ ១-០ នៅវគ្គផ្ដាច់ព្រ័ត្រ។ យ៉ាងណាមិញ អំឡុងពេលចប់ការប្រកួត ខ្សែការពាររូបនេះបាននិយាយជាមួយ Ronaldo ហើយសើចថែមទៀត។ កត្តានេះហើយ ទើបធ្វើឱ្យអ្នកកាសែតសួរថារូបគេបាននិយាយអ្វីជាមួយ Ronaldo ទើបបានជាផ្ទុះសំណើចយ៉ាងនេះ។
កីឡាករលេងនៅក្លឹបអាជីព Ajax បានប្រាប់ថានៅគ្រានោះ កីឡាករនិងប្រធានក្រុមព័រទុយហ្គាល់ បានមកជួបខ្លួននិយាយគ្នា និងហៅទៅលេងនៅក្លឹប Juventus ជាមួយគ្នានៅរដូវកាលក្រោយ។ ការហៅទៅលេងនេះ បានធ្វើឱ្យរូបគេភ្ញាក់ផ្អើល ទើបបានជាសើចយ៉ាងនេះ៕ប្រភព៖ Dailymail
