ក្រុមហុល្លង់ នឹងត្រូវប៉ះក្រុមព័រទុយហ្គាល់ នៅវគ្គផ្ដាច់ព្រ័ត្រពានរង្វាន់ UEFA Nations League នៅថ្ងៃយប់ថ្ងៃអាទិត្យស្អែកនេះ នៅទឹកដីព័រទុយហ្គាល់ផ្ទាល់តែម្ដង។
មុនការប្រកួតនេះចាប់ផ្ដើម Van Dijk ខ្សែការពារល្អបំផុតលើលោកឆ្នាំនេះ បាននិយាយថាក្រុមហុល្លង់មិនត្រូវផ្តោតតែលើ Ronaldo ម្នាក់ទេ ពោលគឺត្រូវផ្ដោតលើក្រុមព័រទុយហ្គាល់ទាំងមូលតែម្ដង។ កីឡាករលេងនៅក្លឹបអាជីព Liverpool ម្នាក់នេះ បន្ថែមថារូបគេចង់លើកពានមួយនេះ ដើម្បីឱ្យហុល្លង់ក្លាយជាក្រុមខ្លាំងមួយវិញបាន។
Ronaldo ទើបតែស៊ុត៣គ្រាប់ជួយក្រុមព័រទុយហ្គាល់ទម្លាក់ក្រុមស្វីស ឡើងដល់វគ្គផ្ដាច់ព្រ័ត្រនេះ។ រូបគេបានក្លាយជាតួអង្គសំខាន់ក្នុងក្រុមជម្រើសជាតិព័រទុយហ្គាល់ក្នុងការប្រកួតផ្ដាច់ព្រ័ត្រ។ មួយវិញទៀត នេះជាក៏ជាឱកាសល្អផងដែរ សម្រាប់កីឡាករ Juventus នេះលើកពានរង្វាន់ម្ដងទៀតជាមួយក្រុមជម្រើសជាតិរបស់ខ្លួន៕ប្រភព៖ Goal
