ព្រះអង្គម្ចាស់ Sheikh Khaled bin Zayed Al Nahyan អ្នកមានទ្រព្យមហាសាលម្នាក់ កំពុងចរចាទិញយកក្លឹប Newcastle United ពីលោក Mike Ashley ហើយ។
ព្រះអង្គម្ចាស់ Sheikh Khaled គឺជាសាច់ញាតិរបស់លោក Sheikh Mansour ម្ចាស់ក្លឹប Manchester City។ សេដ្ឋីនៅអារ៉ាប់ខាងលើនេះ ចង់បានក្លឹប Newcastle United ក្រោយពីម្ចាស់បច្ចុប្បន្នលោក Mike Ashley ចង់លក់ចេញតាំងពីឆ្នាំមុនម្ល៉េះ។ តម្លៃរបស់ក្រុមមួយនេះ ត្រូវបានគេដឹងថាប្រមាណជា៣៥០លានផោនប៉ុណ្ណោះ។
ក្រុមការងាររបស់ព្រះអង្គម្ចាស់ Sheikh Khaled បានបញ្ជាក់ថាការចរចាគ្នាត្រូវអស់ហើយ នៅឡើយតែរឿងតិចតួចទៀតប៉ុណ្ណោះ នឹងអាចប្រកាសជាផ្លូវការបានហើយ។ រំលឹកថាព្រះអង្គម្ចាស់ Sheikh Khaled នេះកាលពីប៉ុន្មានឆ្នាំមុន ធ្លាប់ចង់បានក្លឹប Liverpool ម្ដងមកហើយ ដោយគ្រានោះដាក់តម្លៃដល់២ពាន់លានដុល្លារ ប៉ុន្តែត្រូវម្ចាស់ក្លឹបបច្ចុប្បន្នច្រានចោលវិញ៕ប្រភព៖ Bbc