តាមរយៈការបញ្ជាក់របស់អតីតកីឡាករជើងចាស់នៅស្តេចសលោក Pedro Riesco បានបង្ហើបប្រាប់សារព័ត៌មាន Onda Cero ដូច្នោះថាបណ្តុំកីឡាករមួយចំនួនក្នុងក្លឹប Real Madrid សព្វថ្ងៃកំពុងព្យាយាមទទូចឲ្យក្លឹបបើកចិត្តចុះហត្ថលេខានាំយកខ្សែប្រយុទ្ធសញ្ជាតិបារាំង គឺ Antoine Griezmann មកចូលរួមនៅរដូវក្តៅខាងមុខ។
ជាសារឆ្លើយតបបន្ទាប់ពីកីឡាករបារាំងបានប្រកាសជាសាធារណៈជុំវិញការដើរចេញពីក្លឹប Atletico Madrid ជាមួយនឹងតម្លៃផ្តាច់កុងត្រាអាចថ្លៃខ្ពស់ប្រមាណ ១២០ លានអឺរ៉ូ។ Griezmann ក៏ទំនងជាប្រជែងជាមួយនឹងតំណែង Suarez ក្នុងការចូលរួមនៅ Barcelona តែតាមរបាយការណ៍ចុងក្រោយបង្អស់ផ្ទៃក្នុងនៅក្លឹបអ្នកមានបុណ្យហាក់មិនពេញចិត្តលើការចុះហត្ថលេខានេះឡើយ។
យ៉ាងណាមិញតាមសារព័ត៌មាន Marca ក៏បានបង្ហើបស្រដៀងគ្នាថា Real Madrid ក៏នឹងដាក់ចិត្តនាំយកខ្សែប្រយុទ្ធឆ្នើមរូបនេះ លុះត្រាតែព្រមព្រៀងលើលក្ខខណ្ឌកាត់បន្ថយថ្លៃពលកម្មជាមុនសិន ពោលគឺទាបជាង ២៣ លានអឺរ៉ូដែលជាតួលេខថេរនៅក្លឹប Atleticio នាពេលកន្លងទៅ។ ប្រភព៖ BeSoccer