• បារាំង បុក​ពោះ​ព្រោះ Mbappe ​របួស តែ​សាមី​ខ្លួន​បញ្ជាក់​ថា​កុំ​ភ័យ

    ក្រុម​ជម្រើស​ជាតិ​បារាំង​កំពុង​ជួប​ក្ដី​បារម្ភ ត្បិត​អី​ខ្សែ​ប្រយុទ្ធ​ឆ្នើម​របស់​ខ្លួន Kylian Mbappe ​រង​របួស អំឡុង​ពេល​ហ្វឹកហាត់​ជាមួយ​សមាជិក​ក្រុម​ដទៃ​ទៀត។

    Kylian Mbappe ​បាន​ប៉ះ​ទង្គិច​គ្នា​ជាមួយ​ខ្សែ​ការពារ Adil Rami ​ហើយ​ធ្វើ​ឱ្យ​រូបគេ​ត្រូវ​ក្រុម​គ្រួ​ពេទ្យ​នាំ​ទៅ​ពិនិត្យ​ភ្លាម​ៗ​តែ​ម្ដង។ ​តាម​ការ​សន្និដ្ឋាន​ភ្លាម​ៗ​របស់​អ្នក​គាំទ្រ គឺ​ខ្សែ​ប្រយុទ្ធ PSG ​រូប​នេះ​មិន​អាច​ចូល​លេង​បាន​ទេ​នៅ World Cup ​ព្រោះ​ថា​របួស​ហាក់​ដូចជា​ធ្ងន់ធ្ងរ​ខ្លាំង ​ធ្វើ​ឱ្យ​រូបគេ​មិន​អាច​ឈរ​ខ្លួន​ឯង​បាន។ យ៉ាងណាមិញ ​ក្រោយ​ពី​ធ្វើ​ការ​ពិនិត្យ​ទៅ ​សាមី​ខ្លួន​បាន​បង្ហោះ​នៅ​លើ​បណ្ដាញ​សង្គម​ថា ​កុំ​បារម្ភ ​វា​គ្រាន់​តែ​ជា​ការ​ប៉ះ​ទង្គិច​គ្នា​ធម្មតា​ប៉ុណ្ណោះ ​រូបគេ​នឹង​អាច​លេង​បាន​ក្នុង​ប្រកួត World Cup ។

    កីឡាករ​វ័យ​១៩​ឆ្នាំ​នេះ គឺ​ជា​តួ​អង្គ​យ៉ាង​សំខាន់​សម្រាប់​ក្រុម​ជម្រើស​ជាតិ​បារាំង។ រូបគេ​តែងតែ​បង្កើត​ឱកាស​និង​រក​គ្រាប់​បាល់​បាន​សឹង​តែ​គ្រប់​ប្រកួត​ឱ្យ​ក្រុមរបស់​លោក Didier Deschamp ។ អតីត​កីឡាករ Monaco ​រូប​នេះ ​ក៏​ជា​កីឡាករ​បារាំង​ដែល​មាន​តម្លៃ​ខ្លួន​ថ្លៃ​ជាង​គេ​ផង​ដែរ៕DailyMail

    ភ្ជាប់ទំនាក់ទំនងជាមួយ CTS SPORT