អ្នកប្រដាល់ជម្រើសជាតិសាកលកម្ពុជា៧រូប សុទ្ធតែចាញ់ជុំដំបូងទាំងអស់ក្នុងការប្រកួតជើងឯកអាស៊ីនៅប្រទេសថៃ ដែលហាលអាវទាំងអស់ត្រឹមថ្ងៃទី២១ ខែមេសាម្សិលមិញនេះ។
ក្នុងនោះលទ្ធផលមានដូចខាងក្រោម៖
- កីឡាករ បាង កានុង ចាញ់កីឡាករចិន
- កីឡាករ ប៉ុន ដារ័ត្ន ចាញ់កីឡាករស្រីលង្កា
- កីឡាករ វី សម្ភស្ស ចាញ់កីឡាករឥណ្ឌា
- កីឡាករ ពេជ្រ ម្ទេសខ្មាំង ចាញ់កីឡាករចិន
- កីឡាករ សៅ រង្សី ចាញ់កីឡាករ អាហ្វហ្គានីស្ថាន
- កីឡាការិនី វី ស្រីខួច ចាញ់កីឡាការិនីឥណ្ឌា
- កីឡាការិនី នៅ ស្រីពៅ ចាញ់កីឡាការិនីឥណ្ឌា
នេះជារឿងសោកស្តាយមួយ សម្រាប់វិស័យប្រដាល់មួយនេះនៅកម្ពុជា ប៉ុន្តែមជ្ឍដ្ឋានមហាជនពុំបានដាក់ក្តីរំពឹងខ្ពស់ពីលទ្ធផលឡើយ។ ការដែលពុំសង្ឃឹមគឺដោយសារកីឡានេះពុំមានការប្រកួតក្នុងស្រុកដូចមុនទៀតឡើយ។ ម្យ៉ាងទៀត ការផ្សព្វផ្សាយក៏មានកម្រិត ពុំទូលំទូលាយឡើយ ពោលគឺអាចនិយាយបានថា ទៅស្ងាត់ៗ។
ប្រដាល់សកលធ្លាប់ឈ្នះមេដាយប្រាក់ជូនកម្ពុជា នៅស៊ីហ្គេម២០១៥នាប្រទេសសិង្ហបុរី ដោយកីឡាករ វ៉ែន រដ្ឋា និងស៊ីហ្គេម២០១៧ ពេជ្រ ម្ទេសខ្មាំង ឈ្នះបានមេដាយ១គ្រឿងទៀតផងដែរ។