អ្នកប្រដាល់ជម្រើសជាតិសាកលកម្ពុជា៧រូប សុទ្ធតែចាញ់ជុំដំបូងទាំងអស់ក្នុងការប្រកួតជើងឯកអាស៊ីនៅប្រទេសថៃ ដែលហាលអាវទាំងអស់ត្រឹមថ្ងៃទី២១ ខែមេសាម្សិលមិញនេះ។
ក្នុងនោះលទ្ធផលមានដូចខាងក្រោម៖
- កីឡាករ បាង កានុង ចាញ់កីឡាករចិន
- កីឡាករ ប៉ុន ដារ័ត្ន ចាញ់កីឡាករស្រីលង្កា
- កីឡាករ វី សម្ភស្ស ចាញ់កីឡាករឥណ្ឌា
- កីឡាករ ពេជ្រ ម្ទេសខ្មាំង ចាញ់កីឡាករចិន
- កីឡាករ សៅ រង្សី ចាញ់កីឡាករ អាហ្វហ្គានីស្ថាន
- កីឡាការិនី វី ស្រីខួច ចាញ់កីឡាការិនីឥណ្ឌា
- កីឡាការិនី នៅ ស្រីពៅ ចាញ់កីឡាការិនីឥណ្ឌា
នេះជារឿងសោកស្តាយមួយ សម្រាប់វិស័យប្រដាល់មួយនេះនៅកម្ពុជា ប៉ុន្តែមជ្ឍដ្ឋានមហាជនពុំបានដាក់ក្តីរំពឹងខ្ពស់ពីលទ្ធផលឡើយ។ ការដែលពុំសង្ឃឹមគឺដោយសារកីឡានេះពុំមានការប្រកួតក្នុងស្រុកដូចមុនទៀតឡើយ។ ម្យ៉ាងទៀត ការផ្សព្វផ្សាយក៏មានកម្រិត ពុំទូលំទូលាយឡើយ ពោលគឺអាចនិយាយបានថា ទៅស្ងាត់ៗ។
ប្រដាល់សកលធ្លាប់ឈ្នះមេដាយប្រាក់ជូនកម្ពុជា នៅស៊ីហ្គេម២០១៥នាប្រទេសសិង្ហបុរី ដោយកីឡាករ វ៉ែន រដ្ឋា និងស៊ីហ្គេម២០១៧ ពេជ្រ ម្ទេសខ្មាំង ឈ្នះបានមេដាយ១គ្រឿងទៀតផងដែរ។
អត្ថបទទាក់ទង
មុនប៉ះប៊ូខាវ រំឭកទៅជាងម្ភៃឆ្នាំមុន ម៉ានី ប៉ាគីអៅ ធ្លាប់បានសន្លប់ក្រោមថ្វីដៃអ្នកប្រដាល់ថៃមួយរូប
Conor McGregor និយាយអ្វីខ្លះទៅកាន់ Ryan Garcia នៅក្នុងបន្ទប់ស្លៀកពាក់ បន្ទាប់ពីចាញ់ Gervonta Davis?
"គុនខ្មែរប្រើបច្ចេកទេសវាយ ច្រើនជាងប្រើកម្លាំង" - ម៉ានូបង្ហើបពីមូលហេតុដែលខ្លួនស្រឡាញ់គុនខ្មែរ
លោកឧកញ្ញាស្រី ចាន់ថនរិះគន់ការប្រកួតគុនខ្មែរនៅខេត្តសៀមរាបបីចំនុច