ក្រោយបរាជ័យទល់នឹងក្រុមកាតាឡាន់កាលពីយប់មិញ អ្នកចាត់ការលោក Ole Gunnar Solskjaer បានចេញមុខទទួលស្គាល់ថា Barcelona សក្ដិសមជាក្រុមដែលអាចឈ្នះ Champions League រដូវកាលនេះពិតមែន។
ថ្លែងក្រោយបិទការប្រកួត លោក Solskjaer និយាយថា៖ “ខ្ញុំគិតថាពួកគេ [Barcelona] ជាក្រុមមានភាគរយខ្ពស់ឈ្នះពាន ជាមួយនឹងគុណភាពដែលពួកគេមាន គ្រប់យ៉ាងវាប្រាកដជាអាចកើតឡើងទៅបាន”។
អ្នកចាត់ការបិសាចក្រហមរូបនេះបន្តទៀត៖ “ប្រសិនបើអ្នកមានកីឡាករដូចជា Messi គឺគ្រប់យ៉ាងអាចធ្វើទៅបានយ៉ាងស្រួល ដោយគេជាកីឡាករដែលមានទេពកោសល្យមួយរូប ទាំង Messi និង Cristiano គឺលេចធ្លោខ្លាំងបំផុតនៅទសវត្សរ៍ចុងក្រោយនេះ”។ ប្រភព: Marca