• គ្រូ​ធំ Frankfurt ទម្លាយ​ត្រង់ៗ​ថា​ក្លឹប​យក្ស ៤ សម្លឹង Luka Jovic មិន​ដាក់​ភ្នែក

    អ្នកចាត់ការ​របស់​ក្លឹប Eintracht Frankfurt លោក Adi Hutter បាន​បញ្ជាក់​ថា​កីឡាករ​របស់​ខ្លួន​គឺ Luka Jovic សព្វថ្ងៃ​កំពុង​ទទួល​ការ​ចាប់​អារម្មណ៍​ពី​បណ្តា​ក្លឹប​កំពូល​មាន​តាំង​ពី Barcelona, Real Madrid, Bayern Munich និង Manchester City។ នេះ​បើ​យោង​តាម​សារព័ត៌មាន Goal បាន​ចុះ​ផ្សាយ។

     

    បុរស​វ័យ ២១ ឆ្នាំ​បាន​បង្ហាញ​ទម្រង់​លេង​យ៉ាង​ល្អ​នា​រដូវ​កាល ២០១៨/១៩ នេះ ដោយ​នេះ​ក៏​ជា​ឆ្នាំ​ទី​ពីរ​ហើយ​សម្រាប់​រូប​គេ​មក​លេង​នៅ Frankfurt ក្រោយ​ត្រូវ Benfia បើក​ឲ្យ​ខ្ចី​ជើង។ បណ្តា​ក្លឹប​ខាង​លើ​បាន​នឹង​កំពុង​ដុតដៃដុតជើង​ទម្លាក់​សំណើ​ដេញ​ថ្លៃ​យក Jovic ក្រោយ​ ៣៨ ប្រកួត​រូប​គេ​រក​បាន ២៣ គ្រាប់​ហើយ។

    អតីត​ខ្សែ​ប្រយុទ្ធ​នៅ Red Star Belgarde រូប​នេះ បាន​ផ្លាស់​ចេញ​ពី​ក្លឹប​ចាស់​មក​ចូលរួម​ជាមួយ Benfica នា​រដូវ​កាល ២០១៦ ប៉ុន្តែ​ក្រោយ​មក​ក៏​ត្រូវ​បាន​ដាក់​ឲ្យ​ខ្ចី​ជើង​មក Frankfurt នា​មួយ​ឆ្នាំ​បន្ទាប់។ តាម​ការ​ចរចា​កន្លង​មក​រូប​គេ​ហាក់​មាន​ថ្លៃ​ខ្លួន​ប្រហែល​ ៥០ លាន​អឺរ៉ូ ដោយ​យោង​តាម​ចចាមអារ៉ាម​ដែល​ថា Real Madrid ចង់​បាន​យក​មក​ជំនួស​តំណែង​របស់ Ronaldo។ ប្រភព: Goal

    មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

    ភ្ជាប់ទំនាក់ទំនងជាមួយ CTS SPORT