ក្រុម Spurs នឹងបើកកីឡដ្ឋានថ្មីតម្លៃជាង១ពាន់លានដុល្លាររបស់ខ្លួន ស្វាគមន៍ក្រុមភ្ញៀវ Manchester City នៅម៉ោង២រំលងអាធ្រាត្រនេះ ក្នុងការប្រកួតពានរង្វាន់ UEFA Champions League វគ្គ៨ក្រុម។
លោក Pochettino អ្នកចាត់ការក្រុម Spurs បាននិយាយមុនការប្រកួតនេះថា៖ “លេងនៅវគ្គ៨ក្រុមចុងក្រោយពានរង្វាន់ UEFA Champions League គឺជាការផ្ដល់រង្វាន់ដ៏ធំសម្រាប់ក្រុមយើង។ យើងដឹងថា យើងនឹងប៉ះក្រុមមួយដែលខ្លាំងបំផុត ជាក្រុមមួយដែលកសាងឡើងប៉ុន្មានឆ្នាំចុងក្រោយនេះ ដើម្បីឈ្នះពាន។ វាជាការប្រកួតមួយដែលសំខាន់បំផុតសម្រាប់អាជីពដឹកនាំក្រុមរបស់ខ្ញុំ”។
អ្នកចាត់ការសញ្ជាតិអាហ្សង់ទីនបានបង្ហើបទៀតថា ក្រុម Man City បច្ចុប្បន្ននេះមានសមត្ថភាពគ្រប់គ្រាន់ក្នុងការឈ្នះពានរង្វាន់ UEFA Champions League នេះ។ ហើយមិនត្រឹមតែពាននេះ១ទេ ការចង់បានពានរង្វាន់៤ក្នុង១រដូវកាលរបស់លោក Pep ក៏អាចកើតមានបានដែរ៕ប្រភព៖ BBC
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET