• មួយ​គ្រាប់​យប់មិញ Salah វ៉ៃ​បាន​កំណត់ត្រា​មួយ​នៅ PL ស៊ី​ដាច់​កីឡាករ​ណាៗ​ទាំង​អស់

    Mohamed Salah បាន​ចូលរួម​ចំណែក​រក​គ្រាប់​បាល់​ជ័យជម្នះ​នៅ​លទ្ធផល ៣-១ ទៅ​លើ​ក្រុម Southampton កាល​ពី​ព្រឹក​ថ្ងៃ​សៅរ៍​កន្លង​ទៅ។ ៣ ពិន្ទុ​ដ៏​សំខាន់​បាន​រុញ​ឲ្យ​ក្រុម​ហង្ស​ក្រហម​ឡើង​ឈរ​ចំណាត់ថ្នាក់​ទី ១ បណ្តោះ​អាសន្ន ឈ្នះ ២ ពិន្ទុ​លើ Man City ដែល​នៅ​សល់​មួយ​ប្រកួត​ក្នុង​ដៃ។

    ក្នុង​នោះ Salah ក៏​បាន​ប្រែក្លាយ​ជា​កីឡាករ​នៅ Premier League ដែល​អាច​បំបែក​គ្រាប់​បាល់​ទី ៥០ ​ប្រើ​ពេល​ខ្លី​បំផុត ដោយ​ចំណាយ​ត្រឹម ៦៩ ប្រកួត ធៀប​នឹង​អ្នក​បន្ទាប់​គឺ Fernando Torres ​ប្រើ​ពេល ៧២ ប្រកួត ខណៈ Luis Suarez អតីត​មិត្ត​រួម​ក្រុម​ប្រើ​ពេល ៨៦ ប្រកួត។

    បញ្ជាក់​ថា ៥០ គ្រាប់​របស់​អតីត​កីឡាករ​ Roma រូប​នេះ​ មាន ៣២ គ្រាប់​កើត​ឡើង​ពី​រដូវ​កាល​ចាស់​គឺ ២០១៧/១៨ ដែល​ខ្លួន​ផ្លាស់​មក​ចូលរួម​នៅ Anfield ដំបូង ហើយ​រដូវ​កាល​ថ្មី​នេះ​បំបែក​បាន ១៨ គ្រាប់​ហើយ។ ប្រភព: 90min

    ភ្ជាប់ទំនាក់ទំនងជាមួយ CTS SPORT