Fulham ត្រូវកាត់ចេញពីលីគកំពូលអង់គ្លេសហើយនារដូវកាលក្រោយ បន្ទាប់ពីពួកគេបរាជ័យក្រោមថ្វីជើងក្រុម Watford ៤-១ ។
Fulham នារដូវកាលនេះ បានចំណាយប្រាក់ដល់១០០លានផោនឯណោះ ដើម្បីនាំយកកីឡាករថ្មីមករួមក្រុមក្នុងន័យរក្សាខ្លួនឱ្យបាននៅលីគកំពូលអង់គ្លេស។ ផ្ទុយទៅវិញ ពួកគេបានខកបំណងហើយ ក្រោយពីចាញ់ផ្ទួនៗ រហូតដល់យប់មិញនេះដល់ដំណាក់កាលធ្លាក់ទៅលេងនៅលីគលំដាប់ទី២ទៅហើយ ក្រោយចាញ់ក្រុម Watford ៤-១។ ការប្រកួតកន្លងមក ៣៣ប្រកួត ពួកគេរកបានត្រឹមតែ១៧ពិន្ទុប៉ុណ្ណោះ។
នេះជាក្រុមទី២ហើយនៅលីគកំពូលអង់គ្លេស ដែលត្រូវធ្លាក់ទៅលេងនៅលីគទី២។ ខណៈដែលក្រុមទី១នោះ គឺ Hudderfield ដែលឆ្លងកាត់៣២ប្រកួត រកបាន១៤ពិន្ទុ៕ប្រភព៖ Dailymail
