តារាឆ្នើមប្រចាំក្លឹប Barcelona បានឆ្លើយតបលើបណ្តាញសង្គម ជាមួយការអបអរក្រោយ Real Madrid ត្រូវបរាជ័យក្រោមថ្វីជើង Ajax នៅលទ្ធផល ៤-១ នាជើងទី ២ ក្នុងកីឡដ្ឋាន Santiago Bernabeu កាលពីយប់មិញ។
អតីតកីឡាករហង្សបានចែកចាយការបង្ហោះចេញពីគណនីផ្លូវការរបស់ Ajax លើ Twitter ដោយសរសេរថា៖ “អបអរសាទរ ខ្ញុំតែងតែជាអ្នកគាំទ្ររបស់ Ajax មួយរូប“។
រំឭកថាភាពចុះថមថយរបស់ក្លឹប Real Madrid បានផ្ទុះឡើងខ្លាំងក្នុងចន្លោះពេល ១ សប្តាហ៍នេះ ក្រោយបរាជ័យនៅជំនួប El Clasico ចំនួនពីរលើក និងត្រូវមកធ្លាក់នៅ Champions League វគ្គ ១៦ ក្រុមថែមទៀត។
នៅប្រកួតបន្ទាប់ Real Madrid សល់តែក្តីសង្ឃឹមនៅ LaLiga មួយគត់ ទុកគ្រាន់កំដរភ្នែកអ្នកគាំទ្រ ដោយនាថ្ងៃអាទិត្យនេះត្រូវប៉ះ Real Valladolid ស្របពេល Barcelona ត្រូវបើកកីឡដ្ឋានស្វាគមន៍ Girona នៅពានរង្វាន់ Supercopa de Catalunya នាយប់នេះម៉ោង ១២:៤៥ នាទីរំលងអាធ្រាត្រ។ ប្រភព: Sportskeeda