ជំនួប El Clasico នឹងកើតមានម្ដងទៀតហើយនៅរាត្រីម៉ោង ២:៤៥នាទីនេះ នៅទឹកដី Bernabeu ដដែល រវាងក្រុម Real Madrid សងសឹក FC Barcelona ។
Real Madrid ទើបតែបរាជ័យក្រោមថ្វីជើង Barcelona ៣-០ ប៉ុណ្ណោះក្នុងការប្រកួត Copa del Rey វគ្គពាក់កណ្ដាលផ្ដាច់ព្រ័ត្រកន្លងទៅ។ ស្របពេលពានរង្វាន់ La Liga នេះវិញ បច្ចុប្បន្នអធិរាជស ចាញ់ពិន្ទុក្រុមកំពូលតារាង ដល់ទៅ៩ពិន្ទុឯណោះ ដូច្នេះហើយប្រសិនបើយប់នេះចាញ់ទៀត នោះឱកាសប្រជែងពានរង្វាន់នឹងអស់ត្រឹមនេះហើយ។
ផ្ទុយទៅវិញ បើទោះជាឈ្នះ១ប្រកួតនេះទៀតក្ដី ប៉ុន្តែលោក Valverde អ្នកចាត់ការក្រុម FC Barcelona យល់ឃើញថាក្រុមរបស់លោកនៅមិនទាន់អាចធានាឈ្នះពានរង្វាន់បាននៅឡើយទេ។ លោកថាការប្រកួតនៅសល់ច្រើនទៀត ខណៈដែលក្រុមទាំងអស់សុទ្ធតែបង្ហាញពីភាពចង់ឈ្នះ ដូច្នេះ៣ពិន្ទុបន្ថែម ក៏មិនទាន់គ្រប់គ្រាន់ឱ្យក្រុមអ្នកមានបុណ្យលើកពានដែរ៕ប្រភព៖ Goal
