លោក Sarri ខឹងអ្នកចាំទី Kepa ខ្លាំងមែនទែននៅយប់មិញនេះ ក្រោយពីរូបគេមិនព្រមប្ដូរចេញ តាមដែលការបញ្ជារបស់អ្នកចាត់ការឡើយ។
ក្រុមតោខៀវ Chelsea បានបរាជ័យក្រោមថ្វីជើងក្រុម Manchester City ៤-៣ នៅវគ្គប៉េណាល់ទីកាត់សេចក្ដី ក្រោយពីពួកគេលេងស្មើគ្នា ០-០ រយៈពេល១២០នាទី។ ក្នុងការប្រកួតនេះដែរ គេឃើញថាមានការឈ្លោះគ្នាជាខ្លាំងរវាងអ្នកចាត់ការនិងកីឡាករ។ ពោលគឺ Kepa ដែលជាអ្នកចាំទី Chelsea មិនព្រមប្ដូរចេញនៅនាទី ១២០ឡើយ បើទោះជាគ្រូបង្វឹកនិងអ្នកចាត់ការក្រុមចង់និងហៅរូបគេប្ដូរចេញយ៉ាងណាក៏ដោយ។
លោក Sarri បានបញ្ជាក់ថាការប្ដូរអ្នកចាំទីនេះចេញ គឺដោយសារតែរូបគេមានរបួស ហើយវាដល់ពេលត្រូវទាត់ប៉េណាល់ទីទៀត។ ដូច្នេះហើយ អ្នកចាំទីដែលរបួសមិនអាចឈរចាប់បានទេ ត្រូវតែដូរចូលដោយអ្នកចាំទីថ្មីវិញ៕ប្រភព៖ Dailymail