ខ្សែបម្រើ Pogba រកបាន១គ្រាប់ក្នុងជ័យជម្នះ ២-០ លើក្រុម Chelsea ក្នុងពានរង្វាន់ FA Cup ជុំទី៥កាលពីយប់មិញនេះ ដើម្បីបញ្ចប់កំណត់ត្រា៤ប្រកួតចុងក្រោយក្នុងពាននេះមិនដែលឈ្នះតោខៀវសោះ។ក្រុមរបស់លោក Ole ក្រោយពីចាញ់ក្រុម PSG នៅ Champions League មក ពួកគេរកឃើញជ័យជម្នះជាថ្មីម្ដងទៀតហើយនៅយប់មិញ។ ដោយបានទម្លាក់ក្រុមម្ចាស់ផ្ទះ Chelsea ក្នុងលទ្ធផល ២-០។ ២គ្រាប់នេះដែរ ធ្វើបានសម្រេចពីសំណាក់កីឡាករ Ander Herrera និង Pogba នៅតង់ទី១។ ជ័យជម្នះធំធេងនេះដែរ វាក៏បានបញ្ជាក់អនាតរបស់លោក Ole កាន់តែច្បាស់ថែមទៀតក្នុងពេលខាងមុខនេះ។
ផ្ទុយទៅវិញ បរាជ័យរបស់ក្រុម Chelsea នេះ ក៏បានដាក់បន្ទុកថែមទៀតសម្រាប់លោក Sarri អ្នកចាត់ការបច្ចុប្បន្ននេះ។ ខណៈដែលក្រុមតោខៀវ មានទម្រង់លេងមិនល្អសោះ ចាញ់ ឈ្នះ ជាប់ៗគ្នាតែម្ដង។ អ្នកគាំទ្ររបស់ក្រុម Chelsea ផ្ទាល់ចាប់ផ្ដើមចង់ឱ្យប្រធានក្លឹបបណ្ដេញអ្នកចាត់ការសញ្ជាតិអ៊ីតាលីនេះចេញហើយ ដើម្បីរកគ្រូថ្មីមកជួយក្រុមឡើងវិញ៕
ប្រភព៖ DailyMail