កីឡាករវ័យក្មេង Kylian Mbappe បានបោះបង់សំណើផ្លាស់ទៅលេងឲ្យក្លឹបយក្សអេស្ប៉ាញ Real Madrid កាលពីឆ្នាំ ២០១៧ ក្រោមហេតុផលមិនចង់រងសម្ពាធនៃការស្នងភាពជោគជ័យពី Cristiano Ronaldo។
កន្លងទៅធ្លាប់ត្រូវបានធ្លាយរូបភាពជាច្រើនសន្លឹកបង្ហាញថា CR7 គឺជាវីរបុរសដ៏ពិតប្រាកដដែល Kylianស្រលាញ់ចូលចិត្តបំផុតកាលពីនៅកុមារភាព ជាហេតុនាំឲ្យបុរសមានដើមកំណើតនៅប្រទេសបារាំងរូបនេះ ត្រូវបានប្រភពសារព័ត៌មាន Duncan Castles បង្ហើបថារូបគេដំបូងឡើយបានព្រមព្រៀងទៅលេងឲ្យ Real Madrid ហើយ ក្រោយចាកចេញពី Monaco ដោយមានតម្លៃខ្លួនដល់ទៅ ១៨០ លានអឺរ៉ូ ប៉ុន្តែមិនបានប៉ុន្មានផងក៏បដិសេធសំណើនោះវិញនៅពេលគិតថាខ្លួននឹងត្រូវជំនួសតំណែង Cristiano Ronaldo។
ជាកិច្ចបញ្ចប់ Mbappe ក៏សម្រេចផ្លាស់ទៅក្លឹប PSG លេងអមជើងជាមួយ Neymar ដើម្បីបញ្ចៀសសម្ពាធផ្លូវចិត្ត ហើយបានទទួលភាពជោគជ័យយ៉ាងធំធេង ខណៈរដូវកាលថ្មីនេះ ២៨ ប្រកួតសរុបឲ្យក្លឹបខ្លួនរកបាន ២៣ គ្រាប់និង Assist ១៤ លើក ជាមួយការជ្រោមជ្រែងឲ្យអ្នកមានបារាំងអាចយកឈ្នះបិសាចក្រហមនាជើងទី ១ នៅ Old Trafford ថ្វីបើត្រូវអវត្តមានតារាសំខាន់ Neymar និង Cavani។ ប្រភព: FoxSportAsia