ខ្សែប្រយុទ្ធ Gareth Bale រកគ្រាប់បាល់បាន១០០គ្រាប់ហើយឱ្យក្រុម Real Madrid បន្ទាប់ពីធ្វើបាន១គ្រាប់ក្នុងជ័យជម្នះលើក្រុម Atletico Madrid ៣-១។ការប្រកួត Madrid Derby នៅយប់មិញនេះ ពិតជាស្វិតស្វាញខ្លាំងមែនទែន ដោយក្រុមម្ចាស់ផ្ទះ AT Madrid បានកាតច្រើនមែនទែនសឹងតែគ្រប់គ្នាទៅហើយ និងបានកាតក្រហមម្នាក់ផងដែរ។ យ៉ាងណាមិញ ក្រុម Real Madrid ក្រោមការដឹកនាំរបស់លោក Solari នៅតែធ្វើបានល្អដដែល ដោយរកបានដល់ទៅ៣គ្រាប់ឯណោះ ដើម្បីជាការសងសឹកវិញ ព្រោះថា Real Madrid ប៉ុន្មានប្រកួតកន្លងមក មិនដែលឈ្នះ AT Madrid ឡើយ។
ជាមួយការឈ្នះនេះដែរ ក៏បានរុញក្រុម Real Madrid ឱ្យឡើងទៅលេខ២លើក្រុម AT Madrid វិញផងដែរ ហើយចាញ់ពិន្ទុក្រុម FC Barcelona នៅលេខ១ តែ៥ពិន្ទុប៉ុណ្ណោះ គិតត្រឹមពេលនេះ៕
ប្រភព៖ Dailymail