លោក Jose Mourinho បានព្រមទទួលទោសរឿងគេចពន្ធនៅអេស្ប៉ាញហើយ ដោយមានទោសជាប់គុក១ឆ្នាំ ប៉ុន្តែអាចនៅក្រៅឃុំបាន ដោយព្រមបង់ជាប្រាក់វិញ។
អេស្ប៉ាញបានរកឃើញថាលោក Jose Mourinho បានគេចពន្ធប្រាក់ប្រមាណ៣,៣លានអឺរ៉ូ អំឡុងពេលដែលលោកនៅដឹកនាំក្រុម Real Madrid ។ ក្ដីនេះដែរ បានអូសបន្លាយជាច្រើនឆ្នាំមកហើយ ទើបតែសម្រេចចេញនៅប៉ុន្មានថ្ងៃនេះប៉ុណ្ណោះ ដោយខាងលោក Jose ព្រមទទួលជាប់ទោស១ឆ្នាំ ប៉ុន្តែវេរទៅបង់ប្រាក់ដើម្បីបញ្ចប់វិញ។ ការបង់ប្រាក់នោះ គឺប្រមាណ១៦០ ០០០ផោន។
រឿងគេចពន្ធនេះដែរនៅអេស្ប៉ាញបានកើតមានច្រើនមកហើយ ជាពិសេសលើកីឡាករល្បីៗតែម្ដង។ ដោយសូម្បីតែ Ronaldo និង Messi ក៏ជាប់ពីបទគេចពន្ធលើរូបថតដែរ៕ប្រភព៖ Dailymail
