Jamie Carragher អតីតកីឡាកររបស់ក្រុម Liverpool បាននិយាយថាក្រុម Manchester United មានខ្សែប្រយុទ្ធដូចជា Rashford ប្រាកដណាស់នៅថ្ងៃអនាគតពួកគេនឹងទទួលបានពានរង្វាន់មិនខាន។
Rashford រកបាន១គ្រាប់ទៀតហើយកាលពីយប់មិញ ជួយក្រុម Man Utd ឈ្នះ Leicester City ១-០ បន្ដកំណត់ត្រាមិនចាញ់របស់លោក Ole Gunnar Solskjaer។ មួយវិញទៀត១គ្រាប់យប់មិញនេះ ក៏បានបញ្ជូនក្រុមបិសាចក្រហមឡើងទៅលេខ៥ក្នុងតារាងផងដែរ ហើយចាញ់ពិន្ទុក្រុម Chelsea ដែលឈរនៅលេខ៤នោះ តែ២ពិន្ទុប៉ុណ្ណោះ។
ចំពោះទម្រង់លេងយ៉ាងល្អរបស់កីឡាករវ័យក្មេងខាងលើនេះដែរ បានធ្វើឱ្យលោកJamie Carragher ដែលជាអតីតក្រុមប្រជែង Liverpool បាននិយាយដែរថា៖ “Rashford អាចធ្វើឱ្យខ្លួនគេក្លាយជាខ្សែប្រយុទ្ធកណ្ដាលសំខាន់បំផុតក្នុងក្រុម។ Man Utd មិនចាំបាច់ទិញកីឡាករណាមកទៀតទេ ពួកគេមានខ្សែប្រយុទ្ធកណ្ដាលដ៏គួរឱ្យខ្លាចមួយទៅហើយ។ គាត់នឹង ជួយក្រុមឱ្យឈ្នះពានរង្វាន់ជាក់ជាមិ្ខាន”៕ប្រភព៖ Dailymail
