Cesc Fabregas រកគ្រាប់បាល់ដំបូងឱ្យក្រុម Monaco និងជាគ្រាប់បាល់ធ្វើឱ្យក្រុមមួយនេះស្គាល់ពាក្យឈ្នះវិញ ក្នុងការប្រកួត៧ប្រកួតកន្លងមកនេះ។
ក្រុម Fabregas យកឈ្នះក្រុម Toulouse ២-១ ក្នុងការប្រកួតនៅយប់មិញនេះ។ ហើយការយកបាន៣ពិន្ទុនេះដែរ ក៏បានធ្វើឱ្យក្រុម Monaco រំកិលខ្លួនឡើងពីលេខ១៩មកលេខ១៨វិញផងដែរ។ ពួកគេមាន១៨ពិន្ទុ ឆ្លងកាត់ការប្រកួត២៣ប្រកួតមកនេះ។ គោលដៅធំសម្រាប់ក្រុម Monaco នារដូវកាលនេះ គឺត្រូវធ្វើយ៉ាងណារក្សាខ្លួនឱ្យជាប់នៅលីគកំពូលបារាំងតែប៉ុណ្ណោះ។
លោក Leonardo Jardim បានចូលមកដឹកនាំក្រុម Monaco វិញ បន្ទាប់ពីលោក Henry ត្រូវបណ្ដេញចេញពី តំណែង។ ហើយយប់មិញនេះ គឺជាការប្រកួតទី២សម្រាប់លោក Jardim ដោយប្រកួតទី១កន្លងទៅ បរាជ័យធ្វើឱ្យក្រុម Monaco ធ្លាក់ចេញពីពានរង្វាន់ Coupe de la Ligue៕ប្រភព៖ Dailymail